|
нарсаларидан таҳлим берди. Агар Аллоҳ одамларнинг айримларини айримлари билан даф қилиб турмас экан, шубҳасиз, ер фасодга дучор бўлади. Лекин Аллоҳ барча оламлар устида фазлу карам соҳибидир“. [2:249-251]
Бу оятларда Аллоҳ Таоло қуйидагиларни баён қилади:
1. Мусо а.с.дан кейин Бану Исроилга Толут уларнинг подшоҳлари эканига қатъий ҳужжат келгач, уни тасдиқлашиб, у билан бирга душман билан рўбарў бўлишга жўнадилар. Бу ҳужжат уларга тобутнинг келтирилиши эди.
Кейин Толут уларга Аллоҳ уларнинг садоқатлари ва ихлослари қанчалик эканини билиш учун уларни бир дарё билан синашини билдирди. Бу синов дарёдан бевосита оғиз солиб ичмасликдан иборат эди. Толут уларга, ким дарёдан бевосита оғзи билан сув ичса, у менинг тобеим, саҳобам эмас, ким ундан сув ичмаса ёки қўли билан ҳовучлаб ичса, у менинг тобеимдир, деди.
Синов натижаси шундан иборат бўлдики, фақат озгина қисмидан бошқа ҳаммалари бевосита оғизлари билан дарёдан сув ичдилар. Имон келтирганлар Толут билан бирга душман билан жанг қилишга йўл олдилар. Улар душманни ўз кўзлари билан кўргач, улардан бир қисми, биз Жолут ва қўшинига бас кела олмаймиз, дейишди. Имони кучли, дунёдан кўра кўпроқ охиратга интиладиган бошқа бир қисми эса, нариги қўрқоқ гуруҳни шижоатлантириб, соннинг кўплиги аҳамиятли эмас, балки, Аллоҳнинг мадади, нусрати аҳамиятли, Аллоҳ сабр қилгувчилар билан биргадир, дейишиб, Толут ортидан жангга шиддат билан кириб борар эканлар, Аллоҳга дуо-илтижо айлашиб, устимиздан сабру тоқат ёғдиргин, қадамларимизни собит қилгин ва бизга кофирлар устидан ғалаба бергин, дедилар.
Аллоҳ уларнинг дуоларини ижобат айлади. Аллоҳнинг изни ила душманни мағлуб этдилар. Довуд а.с. Жолутни ўлдирди. Аллоҳ Довудга подшоҳликни ва пайғамбарликни берди. Бундан ташқари унга дунёси учун керак бўладиган, Аллоҳнинг йўлидаги жиҳодда асқотадиган қурол ясаш, темирчилик каби ишларни ҳам ўргатди.
Аллоҳ Таоло бу оятларнинг сўнггида агар жиҳод бўлиб турмаса, ернинг бузилиб кетишини, лекин Аллоҳ Ўзининг фазлу марҳамати ила одамларга пайғамбарлар юбориб турганини, улар одамларни Аллоҳнинг динига даъват қилиб, мўминлар билан биргаликда золимларнинг зулмию бузғунчиларнинг бузғунчилигига йўл қўймаслик учун кураш олиб боришларини баён қиляпти.
96-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232